Nike 正 式 分 家

■ 墨 西 哥 Windrunner

摷 出 腦 袋 記 憶 體 翻 查 過 ， 儲 存 最 多 資 料 的 就 係 NSW 新 貨 。 搶 先 睇 又 有 得 買 喎 ， 係 咪 無 可 厚 非 先 ！ 實 心 水 貨 當 然 係 主 因 ， 有 驚 喜 、 有 新 鮮 感 係 最 大 輔 助 力 。 NSW （ Nike Sportwear ） 於 1979 年 初 次 定 名 及 推 出 ， 但 那 件 叫 Nike ， 那 件 叫 NSW ， 一 向 含 糊 。 由 08 年 8 月 8 日 起 ， 產 品 會 清 楚 分 為 兩 大 派 ， 所 有 潮 流 服 飾 都 統 一 稱 為 NSW ， 開 始 正 式 分 家 。 以 奧 運 作 主 題 的 NSW 最 新 系 列 ， 感 覺 的 確 煥 然 一 新 。 半 透 明 全 白 色 的 In Line Medal Stand Windrunner 、 兩 條 拉 鏈 令 風 褸 可 以 一 分 為 二 的 國 旗 Windrunner ， 令 幾 年 冇 買 過 風 褸 的 我 都 鎖 定 了 這 兩 件 入 貨 目 標 。 連 Wyman 都 讚 其 半 透 明 設 計 ： 「 終 於 可 以 唔 使 入 面 件 衫 。 」 最 煩 係 同 完 兩 個 Nike 設 計 師 傾 偈 ， 又 發 覺 他 們 推 介 的 Flywire 系 列 非 買 不 可 ， 以 極 幼 鋼 絲 組 成 的 圖 案 設 計 ， 真 係 好 鬼 有 型 靚 仔 。 我 開 始 感 到 8 月 將 會 成 為 我 重 創 的 大 日 子 。
（ 所 有 NSW 新 貨 售 價 待 定 ， 預 定 7 月 起 開 始 發 售 。 ）

全 白 色 In Line Medal Stand Windrunner 。 半 透 明 的 Ultra Super lightweight Japanese Nylon ， 係 最 新 研 製 的 最 輕 及 最 薄 物 料 ， 一 望 就 知 可 以 打 掉 舊 有 風 褸 的 呆 板 ， 締 造 全 新 新 鮮 感 。

技 術 唔 係 得 個 講 字

運 動 用 品 功 能 點 勁 ， 一 向 聽 完 就 算 ， 只 覺 都 係 噱 頭 。 晒 冷 第 一 站 就 拉 隊 去 798 藝 術 區 ， 盡 Show 一 百 件 經 典 運 動 用 品 背 後 的 故 事 ， 名 為 「 百 戰 百 勝 」 。 好 多 唔 講 真 係 唔 知 ， 由 一 支 原 子 筆 承 托 波 鞋 、 鞋 底 窩 釘 因 為 食 格 仔 餅 聯 想 等 ， 其 實 都 幾 有 趣 的 一 件 事 。 沿 路 四 圍 都 係 爛 路 地 盤 、 棄 置 工 廠 ， 搞 到 Nike 全 棟 重 新 包 裝 的 建 築 物 特 別 搶 眼 。 一 間 潮 流 博 物 館 ， 可 以 力 證 咁 多 年 來 的 努 力 ， 又 可 以 借 為 奧 運 打 氣 宣 傳 。 雖 然 我 怕 悶 怕 歷 史 ， 但 呢 一 品 牌 包 裝 ， 他 們 又 成 功 了 。

Nike 706 空 間 ， 全 棟 大 廈 牆 身 以 百 葉 簾 式 轉 換 多 張 大 相 ， 幾 搶 眼 ！

展 示 多 年 珍 藏 ， 逐 一 解 構 當 年 的 設 計 理 念 。

100 件 展 品 存 放 在 玻 璃 箱 內 ， 逐 件 慢 慢 咀 嚼 背 後 的 歷 史 ， 起 碼 用 上 2 個 鐘 頭 以 上 。 所 以 我 放 棄 。

為 減 輕 鞋 身 ， Bill Bowrerman 於 60 年 代 就 諗 出 最 輕 的 物 料 必 定 係 速 遞 的 信 封 袋 ， 將 其 原 理 運 用 於 波 鞋 之 上 。

Nike 706 空 間

地 址 ： 北 京 市 朝 陽 酒 仙 橋 路 4 號 798 藝 術 區
開 放 時 間 ： 即 日 起 至 8 月 31 日 （ 上 午 10 時 至 晚 上 6 時 ）
費 用 ： 免 費 入 場

紫 禁 城 Show Time

■ 話 雖 展 品 乃 非 賣 品 ， 高 比 仔 呢 對 Flywire Hyperdunk ， 我 敢 肯 定 賣 梗 。

舊 年 一 個 長 城 FENDI 時 裝 秀 ， 已 經 印 象 難 忘 。 今 日 來 個 紫 禁 城 太 廟 大 晒 冷 ， 震 撼 力 雖 不 可 比 ， 但 有 發 紅 光 的 太 廟 作 背 景 ， 一 樣 夠 晒 氣 勢 ， 令 入 場 人 士 嘩 然 。 我 好 奇 的 係 ， 中 國 究 竟 仲 有 咩 地 方 唔 借 得 ？ 中 國 有 28 隊 奧 運 隊 ， Nike 今 屆 一 口 氣 取 得 22 隊 服 裝 設 計 權 。 由 30 年 前 打 入 中 國 市 場 開 始 ， 今 次 咁 大 型 的 Show off 表 演 ， 足 證 Nike 對 中 國 的 越 趨 重 視 ， 亦 可 收 強 勁 的 宣 傳 之 效 。 相 對 ， 中 國 既 可 為 奧 運 隊 打 造 全 新 形 象 ， 亦 可 以 借 Nike 為 奧 運 作 世 界 性 宣 傳 。 所 以 貨 品 有 冇 得 買 都 已 經 唔 係 重 點 ， 今 次 Show Time 都 足 夠 為 大 家 締 造 出 雙 贏 局 面 。

同 樣 公 認 係 一 級 Fans 的 Wyman ： 「 中 國 逐 漸 懂 得 揀 合 適 合 作 夥 伴 ， 今 次 呢 批 運 動 員 衫 唔 算 叫 好 突 出 。 但 運 動 衫 而 言 ， 已 經 十 分 合 格 。 遷 就 功 能 性 同 時 ， 可 以 加 到 少 少 時 裝 元 素 已 經 夠 驚 喜 。 最 搶 眼 係 田 徑 手 長 手 襪 、 同 泳 手 連 身 衣 。 」

藤 原 浩 儼 如 遊 客 般 ， 拿 相 機 不 停 拍 照 。 冒 昧 要 求 拍 照 訪 問 ， 表 現 親 民 不 拒 。 「 第 一 次 到 北 京 ， 個 Show 咁 古 色 古 香 太 廟 度 舉 行 ， 感 覺 好 震 撼 。 無 論 環 境 同 鞋 都 好 靚 ， 我 好 鍾 意 。 」

其 中 一 個 電 視 的 主 角 係 日 本 滑 板 手 Shingo Iwasaki ， 片 內 他 不 停 除 衫 衫 ， 配 合 特 別 燈 光 及 五 顏 六 色 的 背 景 ， 效 果 立 體 ， 叫 人 驚 喜 。

NSW PARTY

Nike 於 Looks Of China 紫 禁 城 大 Show 之 後 ， 緊 接 拉 大 隊 去 NSW PARTY 。 地 點 選 擇 了 北 京 市 電 線 電 纜 總 廠 ， 場 館 位 置 及 裝 修 將 新 舊 文 化 融 合 ， 係 北 京 搞 Show 的 最 大 優 勢 。 一 邊 飲 一 邊 睇 NSW 新 貨 ， 感 覺 爽 快 ， 當 中 最 吸 引 我 的 卻 是 場 內 大 大 小 小 電 視 的 牆 壁 裝 飾 。 由 藝 術 設 計 師 Robert Wilson 一 手 包 辦 ， 拍 出 多 段 超 立 體 高 清 影 像 ， 跟 以 往 宣 傳 片 大 有 不 同 。 不 過 最 開 心 還 是 有 機 會 同 各 設 計 師 大 談 最 新 潮 流 。

Jarrett Reynolds （ NSW Senior Product Designer ）

1.Jarrett 於 場 內 四 周 穿 插 招 呼 世 界 各 地 傳 媒 。 他 今 季 最 欣 賞 兼 極 力 推 介 糅 合 半 透 物 料 加 Flywire 概 念 的 Windrunner 。

Jessie Leyva （ NSW Global Footwear Design Director ）

2. 另 一 設 計 師 Jessie 站 在 自 己 最 喜 歡 的 Air Max 90 Flywire 前 ， 興 奮 道 出 今 季 波 鞋 的 全 新 突 破 技 術 。

Carri Mundane （ 英 國 品 牌 CASSETTEPLAYA 設 計 師 ）

款 式 冇 特 別 喜 好 ， 反 而 喜 歡 選 鮮 艷 的 顏 色 加 上 又 搶 又 Sharp 的 配 搭 ， 所 以 我 好 欣 賞 Nike 的 ID 服 務 。 可 以 因 應 不 同 心 情 ， 襯 出 自 己 喜 歡 的 顏 色 。

CASSETTEPLAYA 粉 紫 色 圖 案 衞 衣
K2Z 彩 色 碎 花 圖 案 Leggings
K2Z 彩 色 環 紋 背 囊
Nike ID 紅 綠 色 Dunk Low

Kiki （ 中 國 潮 流 月 刊 UrbanLook 副 主 編 ）

我 特 別 喜 歡 Air Max 90 和 Air Max 180 ， 就 是 一 種 情 意 結 吧 。 因 為 我 當 年 玩 田 徑 運 動 的 日 子 ， Nike 就 推 出 了 Air Max 90 ， 鞋 款 適 合 跑 步 同 時 ， 外 形 又 討 好 ， 一 直 令 我 鍾 情 到 現 在 。

Nic is comming 黑 色 Print Tee
NSW 全 白 色 In Line Winrunner
Nic is comming 黑 白 色 熊 貓 Cap
Marc Jacobs 黑 色 短 褲
Nike 白 色 彩 底 Air Max 90

李 晨 （ Channel[V] 中 國 頻 道 VJ ）

我 最 喜 歡 全 白 色 Dunk Low 。 夠 Cool ！

Nic is comming 黑 色 Print Tee （ 李 晨 自 家 品 牌 ）
Nike 藍 色 TechPack 風 褸
mercibeaucoup 黑 色 短 褲
Nike Air Woven 08' 端 午 節 特 別 限 量 版

Meter Chan （ 自 由 創 作 人 ）

梗 係 全 白 色 Air Force 1 。

黑 白 色 橫 間 Zip-up 衞 衣
黑 色 斜 布 西 褲
Nike 白 色 Air Force 1

Michael Lau （ Gardener Figure 設 計 師 ）

最 喜 歡 全 白 色 Nike Air Force 1 ， 最 好 、 Air 氣 墊 最 舒 服 ， 外 形 夠 晒 簡 單 。

Nike 黑 色 橫 間 Tee
灰 色 NSW Boston Hoody
淺 藍 色 牛 仔 料 斜 布 褲
Nike Sweet Classic AP Miners Gold

Jessie （ 中 國 公 關 公 司 PR ）

我 最 喜 歡 白 色 Dunk Low 。 無 論 夏 天 、 冬 天 ， 全 白 色 Dunk 都 十 分 適 合 ， 而 且 低 筒 亦 較 高 筒 方 便 襯 衫 。

紅 色 短 身 外 套
淺 綠 色 波 點 圖 案 背 心
三 個 骨 牛 仔 褲
Nike 黑 黃 色 Dunk Low

Guilherme Silva （ 巴 西 Rock Band 組 合 Pop Armada 低 音 結 他 手 ）

我 最 喜 歡 Nike SB ， 最 舒 服 ， 款 式 亦 容 易 襯 衫 。 紅 色 拼 黑 色 係 我 最 喜 愛 的 顏 色 。

NSW 黃 色 Olympic Print Tee
Zara 杏 色 斜 布 西 褲
黑 白 色 橫 間 頸 巾
Nike Blazer Low （ 1984 Olympics China Pack ）